Një nga pyetjet më të përhapura që po shtrohet së fundmi është dhe mënyra si do të veprojnë personat që ju ka skaduar mjeti i tyre i identifikimit.
Kryeministri Edi Rama i ka dhënë fund kësaj dileme duke sqaruar me anë të një urdhëri të firmosur nga ministri i Brendshëm Sandër Lleshaj.
Aty thuhet se do të njihen të gjitha mjetet e identifikimit, duke përfshirë dhe certifikatat që mund të printohen në portalin E-albania.
“U lutem të gjithë atyre që ankohen, pyesin, komentojnë për kartat id që janë jashtë afatit kur duan të shkojnë në bankë, të mos përtojnë të lexojnë këtë shkresë se tek e tek të gjithëve nuk u shpjegoj dot të njëjtën gjë! ID konsiderohen të gjitha të vlefshme, mjafton të printoni nga kompjuteri juaj apo në kompjuterin e bankës një çertifikatë të freskët nga e-Albania. Aman derman lexojeni,”-shkruan Rama.
