LIGJET E BIZNESIT
Kryeministri Edi Rama duket se ndihet optimist përsa i përket gjendjes së të prekurve nga koronavirusi në Shqipëri.
Duke publikuar shifrat, kreu i qeverisë bën me dije se nëse vendi ynë do të vazhdojë kështu, atëherë izolimi do të marrë fund shumë shpejt.
Gjithashtu Rama publikon dhe shifrat me grafikun e shtrimeve në spital, dhe thekson se 10 ditët e fundit, ka rënie të pacientëve që ju nevojitet ndihmë mjekësore në spitalet e COVID19.
Në grafikët mund të shohim se numri i të shtruarve është 63, ndërsa në kulmin e epidemisë më 27 dhe 31 mars, numri ishte 79 pacientë të shtruar.
“Shumë e rëndësishme: falë masave të shpejta e të forta dhe rezistencës suaj të shkëlqyer, 10 ditët e fundit kemi rënie graduale të shtrimeve në mjediset spitalore covid”, shkruan kryeministri i cili shton më tej se nëse vazhdohet kështu, do dalim fitimtarë më shpejt se shumë të tjerë.
Ky tregues që e has shumë pak, për të mos thënë fare në vendet e tjera nën agresion, ku mbingarkesa e spitaleve po vjen si haraç për vonesat në marrjen e masave, na thotë qartë se e para, po bëjmë gjënë e duhur; e dyta, duhet të vazhdojmë kështu, me durim të madh, sepse armikun e kemi pas çdo porte; e treta; po vazhduam kështu do të dalim më shpejt fitimtarë se shumë të tjerë, më të mirë, më të fortë dhe me kokën lart përpara brezave që vijnë nga kjo sfidë historike”, citon Rama përkrah fotos.
