Mjekët refuzuan 50 mijë lekëshin, Rama u përgjigjet: Do marrin 1000 euro vetëm ata që janë në vijën e zjarrit!

Pas protestës së ekipit mjekësor të Urgjencës së Lezhës në lidhje me shpërblimin e bluzave të bardha për muajin mars, të cilët refuzuan 50 mijë lekëshin, ka ardhur dhe reagimi i kryeministrit Edi Rama.

Ata kanë pretenduar se duhet të merrnin 1 mijë euro shpërblim për marsin, ndërkohë që i janë akorduar vetëm 5 mijë lekë, shumë e cila nuk është pranuar pasi ata kanë kërkuar që kjo shumë të shkojë për familjet në nevojë.

Ndërkohë Rama shprehet se 1 mijë euro do ti jepen vetëm bluzave të bardha që ndodhen në vijën e zjarrit.

“Unë e kam thënë shqip që do të paguajmë 1000€ mbi pagën për mjekët e infermierët në Vijën e Zjarrit! Kush ka ngatërruar vijën e zjarrit në spitalet Covid e në autoambulanca, me detyrën e bluzës së bardhë në territor, duhet të kthjellohet e të mos turpërojë bluzën e bardhë!”, thekson kryeministri.