E rëndë/ Shtëpia digjet nga flakët, plagosen burrë e grua dhe dy fëmijët

Një banesë është përfshirë nga flakët në Mat, ndërkohë që katër anëtarë të një familje kanë mbetur të lënduar.

Ngjarja e rëndë ndodhi në orën 03:55 të mëngjesit duke u gdhirë dita e sotme në fshatin Shoshaj, në banesën e shtetasit P.D, ku kanë mbetur të plagosur çifti i bashkëshortëve dhe dy fëmijët e tyre.

Më pas ata janë transportuar urgjent për në Tiranë për një ndihmë më të specializuar.

Mësohet se 4 anëtarët e familjet janë jashtë rrezikut për jetën.

Shërbimi zjarrfikës ka bërë të mundur shuarjen e zjarrit në banesë. Nga veprimet paraprake të kryera dyshohet se zjarri është shkaktuar aksidentalisht, pasi nga pakujdesia kanë lënë ndezë një pajisje elektronike.

Grupi hetimor ndodhet në vendngjarje dhe po ponohet për zbardhjen e plotë të shkaqeve të rënies së zjarrit në banesë.