Përkeqësohet gjendja e Boris Johnson, kryeministri vihet në terapi me oksigjen

Pas dhjetë ditësh që ishte prekur nga koronavirusi, mbrëmjen e djeshme kryeministri britanik Boris Johnson është shtruar në një spital të Londrës.

Shkak për këtë u bë përkeqësimi i shëndetit dhe temperature që nuk po binte.

Sipas Daily Mail, kryeministri po merr një trajtim me terapinë e oksigjenit, dhe shkak për agravimin e gjendjes së tij është puna me ritme të larta edhe pse ishte sëmurë.

Një deputet u shpreh se Johnson nuk duhej të punonte kaq shumë, në përpjekje për ti ngjarë heroit të tij Winston Churchill.

Ende nuk dihet sesa kreu i qeverisë angleze do të qëndrojë në spital.

Shqetësimi për shëndetin e tij është shumë i madh, pasi ekziston mundësia që të kalojë në pneumoni.

Por pavarësisht kësaj, kryeministri do të jetë ende në detyrë, dhe mbledhjet e qeverisë do ti drejtojë përkohësisht ministri i jashtëm, Dominic Raab.

Lajmi në origjinal: https://www.dailymail.co.uk/news/article-8191027/Coronavirus-hit-Boris-Johnson-hospital-amid-UK-crisis.html