“Do ketë ulje të ndjeshme të të infektuarëve”, mjeku Pipero tregon kur ikën COVID nga Shqipëria

Java e tretë e prillit pritet të ketë një ulje graduale të infeksionit të koronavirusit në Shqipëri.

Ky parashikim optimist vjen nga mjeku i njohur infeksionit Pëllumb Pipero gjatë emisionit “Zonë e Lirë” në Tv Klan.

Pipero shtoi më tej se nga fundi i qershorit mund të mbyllet epidemia në vendin tonë.

“Deri tani nuk kemi asnjë të rikthyer që është shëruar nga koronavirusi dhe të jetë infektuar prapë. Nga java e 5-6 fillon e thyen pandemia, nga java e 3-të e prillit, rastet do bien, duke qenë se kurba nuk pati majë të fortë falë masave të qeverisë, zbritja e kurbës duhet të jetë më graduale, do ta kemi pak më të gjatë bishtin e pandemisë.

Unë mendoj që në rastin më të mirë nga fundi i qershorit do mbyllet epidemia në vendin tonë. Unë besoj që vera do të shfrytëzohet nga qytetarët ndoshta me një kufizim të vogël për pensionistët”, tha Pëllumb Pipero në “Zonë e lirë”.