Kryeministri Edi Rama mbrëmjen e sotme u pyet në “Zonë e Lirë” pse del shumë shpesh në televizor, por të lërë ekspertët të flasë. Kreu i Qeverisë u shpreh se e bën për të mos i ikur përgjegjësisë.
Pse nuk del më rrallë dhe të lije ekspertët të flisni?
Rama: Kjo detyrë më ka qëlluar mua dhe përgjegjësia më ka rënë mua dhe nuk mund ti iki kësaj përgjegjësie.
Po pse nuk lë ekspertët të flasin dhe të dalësh më rrallë?
Rama: Ekspertët flasin gjithë kohës, unë nuk jam si të tjerët, jam ky që jam, më i mirë më i keq ky jam. Nuk është se protagonizmi i treguar është ndonjë ndjesi, unë jam këtu për këta njerëz, a mund të bëja diçka që do të ishte më e mirë, e gjykojnë të tjerët, po mendoj se po bëj më të mirën.
