Akuzat e PD se ka fshehur arrestimin, ja si përgjigjet Rama: O Zot, pse nuk e pate mendjen kur krijove këta???

Ditën e sotme ish-deputeti i Partisë Demokratike Oerd Bylykbashi hodhi  akuza të forta në drejtim të kryeministrit Edi Rama se ka fshehur në formularin e vetëdeklarimit arrestimin e tij në Bolonja, të pohuar nga vetë kreu i qeverisë gjatë një interviste për një media italiane.

Menjëherë pas këtyre fjalëve të Bylykbashit, ka reaguar Rama duke u shprehur se nuk ishte një arrestim por sherr në aeroport me një polic Italian.

Kështu në një postim në rrjetet sociale, kreyministri ironizon opozitën duke thënë se atyre i është fikur truri.

REAGIMI I PLOTE I KRYEMINISTRIT EDI RAMA

O Zot të lutem në gjunjë t’u japësh pak vaj për kandilin e trurit, se u është fikur krejt e nuk dinë ç’nxjerrin nga terri i gojës!

Unë flas me mediat italiane për racizmin antishqiptar në Itali gjatë viteve ’90, duke sjellë shembull një sherr me një polic në aeroport, po këta?!

Këta flasin për formularin e dekriminalizimit ku s’paskam deklaruar ndalimin nga policia! O Zot pse nuk e pate mendjen kur i krijove këta, po i le si karabina pa mure, pa elektrik, pa ujë?! Ndërhyr Zot i madh se gjynah këta, po gjynah edhe ky popull që çfarë nuk dëgjon prej tyre!