Në kërkim prej muajsh/ Vetëdorëzohet ish-kreu i ALUIZNIT Durrës, por COVID19 e dërgon në shtëpi

Policia e Shtetit e kishte shpallur në kërkim prej disa muajsh ish-kreun e ALUIZNIT në Durrës, Flamur Gjuzin.

Ndërkohë ky i fundit,  i cili akuzohej për dëmet e tërmetit të 26 nëntorit, është vetëdorëzuar në Prokurorinë e Durrësit.

Mbi të ishte caktuar masa e sigurisë “arrest me burg” nga Gjykata e Durrësit.

Mirëpo pas dorëzimit të Flamur Gjuzit, gjykata ka dhënë masën “arrest shtëpie” për shkak të situatës së krijuar nga pandemia e koronavirusit dhe në vendin tonë.

Nga ana tjetër i pandehuri ka deklaruar se nuk ndihet fajtor për akuzat dhe se i është shmangur arrestimit pasi dyshonte për se në drejtim të tij ishin lëshuar akuza me tendencë.