I ftuar në studion e emisionit “Open” të drejtuar nga Eni Vasili, ishte i ftuar mjeku infeksionist Pëllumb Pipero. Mjeku zbuloi se personat që dërgohen në intubim, e kanë shumë të vështirë që të mbijetojnë dhe për këtë i referohet situatës në vendin tonë, por edhe në vendet e huaja.
Tubi, thotë Pipero, ndihmon që të qetësojë mushkërinë për disa çaste, por kur pacienti i nënshtrohet tubit do të thotë që mushkëria është totalisht e dëmtuar.
“Jo për fat të keq ne deri më tani nuk kemi asnjë rast, që personat që janë vendosur në tub, janë shëruar. Do të thosha që edhe në vendet e tjera të botës, të gjithë mjekët synojnë që të mos e çojnë pacientin tek tubi, sepse tubi ka shumë të panjohura. Tubi e ndihmon që të lejoj qetësinë mushkërisë për disa çaste. Tubi është zgjedhje, është ekstreme, nuk duam ta shikojmë asnjë në tub. Por tubi do të thotë që mushkëria është e dëmtuar dhe ka shumë pak shpresa që pacientët të shërohen”, deklaroi mjeku infeksionist.
