Detina Zalli kërkuese shkencore dhe pedagoge në universitetin e Oxford-it në Angli në një lidhje me Skype për “Ora News” thotë se përdorimi i maskave është i domosdoshëm nisur nga studimi se virusi qëndron në ajër deri në 3 orë.
Zalli: Ditët e fundit ka pasur mesazhe të përziera gjatë ditëve të fundit. Por dua të theksoj se përdorimi i maskave është shumë i rëndësishëm. Duke pasur parasysh se virusi mund të qëndrojë në ajër deri në tre orë, studimet kanë treguar qartë se personat që mbajnë maskë janë 5 herë më të mbrojtur nga virusi në krahasim me personat e tjerë që nuk mbajnë maskë. Mbajtja e maskës nuk do të thotë se nuk infektohesh nga virusi por shanset janë 5 herë më të vogla në krahasim me personat e tjerë që nuk i përdorin.
Zalli më tej hedh poshtë edhe mitin se i nxehti largon virusin duke thënë se mund të transmetohet në të gjitha zonat.
Zalli: Nga provat e deritanishme virusi COVID 19 mund të transmetohet në të gjitha zonat, qoftë ato të nxehta apo të lagështa.
Përsa i përket vaksinës së turbekulozit pedagogia thotë se nuk ka prova klinike që mund të ndihmojë kundër COVID 19.
Zalli: Duke mos bërë prova asnjë gjë nuk është e sigurt. Jemi në një situatë ku po provojmë çdo gjë dhe nuk kemi një ilaç apo vaksinë efektive për mOmentin ndërkohë që kemi shumë të infektuar nga COVID 19.