LIGJET E BIZNESIT
Një nga masat e marra nga qeveria për parandalimin e përhapjes së mëtejshme të COVID-19 në vendin tonë ishte dhe masa që prej ditës së hënë, askush nuk mund të dalë nga banesa për të bërë pazaret pa marrë leje më parë te e-Albania. Megjithatë që në ditën e parë janë vërejtur probleme në sistem.
Daniel Shima, nga Agjencia Kombëtare e Shoqërisë së Informacionit (AKSHI), për A2 ka treguar edhe problemet që janë shfaqur në ditën e parë, të parashikueshme dhe të çuditshme. Edhe pse pensionistëve iu bë e ditur që nuk lejohet të dalin nga shtëpia, Shima tha se përsëri ka pasur një numër të madh aplikimesh nga kjo kategori.
Gjithashtu, sipas tij, kanë aplikuar edhe një numër i madh shqiptarësh që jetojnë jashtë vendit.
“Ka pasur shumë aplikime nga pensionistët. Kjo ka sjellë edhe ngarkesë në sistem. Ka shumë aplikime edhe nga aplikantë nga jashtë Shqipërisë. Ndoshta kurioziteti për të testuar sistemin. U bëjmë thirrje të gjithë këtyre qytetarëve, t’u lënë mundësi aplikimi qytetarëve që kanë me të vërtetë nevojë të dalin”.
Shima njoftoi se prej ditës së dielë ka nisur edhe përmirësimi i sistemit, duke marrë parasysh edhe skenarë të paparashikuar më parë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ai tha gjithashtu se kanë qenë të shumtë qytetarët që kanë aplikuar me SMS, një mundësi alternative për leje, e cila u është vënë në dispozicion vetëm qytetarëve që nuk kanë akses në internet.
Përsa i përket shtetasve të huaj në vendin tonë, Shima tha se mund të aplikojnë vetëm me SMS në numrin 55155.
