Një lajm shumë i rëndë është ai që vjen nga Shtetet e Bashkuara të Amerikës.
Koronavirusi ka shkaktuar edhe viktimën më të vogël në moshë që kur shpërtheu për herë të parë në Wuhan të Kinës.
Mësohet se një foshnje ka ndërruar jetë në SHBA.
“Asnjëherë nuk ka pasur një vdekje të shoqëruar me COVID-19 në një foshnjë. Ne duhet të bëjmë gjithçka që mundemi për të parandaluar përhapjen e këtij virusi vdekjeprurës.”, tha drejtori i Departamentit të Shëndetit Publik të Illinois Dr Ngozi Ezike.
Ezike tha se po zhvillohet një hetim për të përcaktuar shkakun e plotë të vdekjes.
Deri më tani koronavirusi ka prekur më shumë se 663.000 persona në të gjithë botën, ku 124.000 raste janë në SHBA.
Gjithsej janë shkaktuar 30.820 viktima, përfshirë 2100 persona në SHBA.
