Koronavirusi në Britani/ Kryeministri Boris Johnson ka një kërkesë për 30 milion familje

Edhe Britania e Madhe padyshim bën pjesë te lista e shteteve të Europës që janë goditur nga koronavirusi.

Kështu, kryeministri Boris Johnson ka një kërkesë për 30 milion familje.

Ai u ka shkruar atyre një letër duke insistuar që ata të rrijnë në shtëpi.

Sipas një deklarate të Downing Street të shtunën, në letër thuhet:

“Ne e dimë se gjërat do të keqësohen para se të përmirësohen. Por ne po bëjmë përgatitjet e duhura, dhe sa më shumë të ndjekim rregullat, aq më pak jetë do të humbasin dhe sa më shpejt jeta mund të kthehet në normale. … Kjo është arsyeja pse , në këtë moment të urgjencës kombëtare, ju bëj thirrje, ju lutemi, të qëndroni në shtëpi, të mbroni (Shërbimin Kombëtar të Shëndetit) dhe të shpëtoni jetë. ”

Banorët e Britanisë së Madhe do të marrin një broshurë që përshkruan këshillat e koronavirusit të qeverisë, me shpjegime të qarta të simptomave, rregullave të daljes nga shtëpia dhe rregullave të izolimit të tyre me simptoma. Letrat dhe broshurat pritet të kushtojnë 7.2 milion dollarë (5.8 milion) për të shtypur dhe shpërndarë.