Një tjetër lajm i mirë vjen nga Infektivi, ku mësohet se ka dalë nga pavioni i të infektuarve me koronavirus, e ëma e vajzës së parë që doli publikisht duke njoftuar se ishte e infektuar.
Vajza shkruan:
“Sot dua t’ju qetësoj pak duke ju treguar që mami testoi negative dhe doli tashmë nga spitali. Mirënjohje pa fund për çdo mjek/e, infermier/e e madje dhe sanitaret e spitalit infektiv që janë në linjën e parë të rrezikut këtë periudhë. Mirënjohje për të gjithë ata që këto ditë janë në shërbim të publikut dhe nuk qëndrojnë dot në shtëpi. Mirënjohje dhe për ata që qëndruan në shtëpi duke u kujdesur për veten dhe të tjerët”.
