Spanja gjunjëzohet para COVID-19, 832 viktima në 24 orë

Pas Italisë, është Spanja vendi më i goditur nga koronavirusi COVID-19.

Numri i viktimave në vendin Iberik është duke u rritur frikshëm dhe vetëm në 24 orët e fundit humbën jetën 832 qytetarë të infektuar me këtë virus.

Deri më tani Spanja ka 5.690 viktima, duke lënë pas edhe Kinën, ndërsa sa i përket të infektuarëve deri sot në mëngjes ka njoftuar për 72.248 te prekur.

Aktualisht Spanja është vendi katërt për numrin e të prekurve, pas SHBA, Italisë dhe Kinës.