Mëngjesin e sotëm është shënuar dhe viktima e 8 nga koronavirusi në Shqipëri.
Bëhet fjalë për një 66-vjeçar nga Fieri, i cili ishte i shtruar në spitalin Infektiv.
Ai vuante nga një sërë sëmundjesh kronike si pulmonare, hypertension dhe hemorragji gastro-intenstinale, dhe humbi jetën nga një infarkt.
NJOFTIMI ZYRTAR I MINISTRISE SE SHENDETESISE
Ministria e Shëndetësisë/Zyrtare
COVID-19/ Ndërron jetë në spitalin infektiv pacienti 66-vjeçar, viktima e 8 në Shqipëri
Një pacient 66-vjeçar nga Fieri, i konfirmuar me COVID-19 pësoi vdekje të papritur (infarkt) mëngjesin e sotëm në spitalin infektiv.
66-vjeçari trajtohej prej dy ditësh në spitalin infektiv në QSUT. Pavarësisht ndihmës së menjëherëshme të stafit mjekësor, 66-vjeçari që vuante nga sëmundje kronike pulmonare, hipertension, hemorragji gastro-intestinale, nuk arriti të mbijetojë.
66-vjeçari është viktima e tetë e prekur nga COVID-19 në Shqipëri.
Ministria e Shëndetësisë i shpreh ngushëllimet familjes së të ndjerit dhe apelon dhe një herë qytetarët të respektojnë me shumë rigorozitet rregullat e izolimit dhe distancimit social si dhe të telefonojnë urgjencën kombëtare në numrin 127 në rast se kanë shenja të sëmundjes.
