Kryeministri Edi Rama, ditën e djeshme u largua me shpejtësi drejt Italisë, menjëherë pas fjalës së tij në Kuvend. “Më duhet të largohem drejt vendit fqinj për të shpjeguar situatën e shëmtuar që po ndodh në vend”- tha Kryeministri pak minuta para se të largohej.
Ndërkohë i është përgjigjur interest të mediave Italian, që kohët e fundit është shtuar shumë.
“Dua t’ju them se ajo që shihni nuk është një revoltë e popullit. Nuk është populli ai në shesh. Është një revoltë në pallatin e politikës. Establishmenti që u mund me një diferencë prej 1 milionë votash 5 vite më parë, nuk e pranon dot disfatën”- kështu Rama i justifikoi me këto fjalë pamjet e protestave disa javore opzitare, të shfaqura në nisje të intervistës së tij për emisionin “Porta a Porta” në Rai Uno.
Rama foli gjithashtu për situatën e shumë diskutuar të prodhimit të kanabisit në vend, duke ju përgjigjur pretendimeve se Shqipëria është shndërruar në Kolumbinë e Europës: “Në 2013 , kur morëm pushtetin Shqiperia kishte 400 mijë hektarë të mbjella me kanabis. Vitin e kaluar sipërfaqja u reduktua në 0,8 hektarë, sipas të dhënave zyrtare të Guardia di Fiananza”
Lulzim Basha ka folur mbrëmjen e kaluar për emisionin historik te Rai Uno “Porta a porta” të gazetarit Bruno Vespa. Intervista e Bashës u transmetua gjatë kohë që kryeministri Edi Rama ishte i ftuar në studio për të folur për situatën politike në vend.
Basha, ripërsëriti akuzat e tij për blerje të votave me paratë e drogës. Ai theksoi se zgjedhjet e 2017 u blenë me paratë e drogës duke risjellë në vëmendje përgjimet për zyrtarë të lartë të PS-së si dhe akuzat për ish-ministrin e Brendshëm Saimir Tahiri dhe vëllain e ish-ministrit Fatmir Xhafaj.
