Ditën e sotme në një deklaratë për shtyp, zv. ministrja e Shëndetësisë Mira Rakacolli, bëri me dije se Shqipëria i ka kërkuar ndihmë Kinës për të përballuar situatën me koronavirusin.
Rakacolli u shpreh se Ministria e Shëndetësisë i është drejtuar me kërkesë zyrtare qeverisë kineze me anë të ambasadës së Kinës në Shqipëri që ta ndihmojë duke dërguar mjekë.
“Ministria e Shëndetësisë i ka dërguar një kërkesë zyrtare Kinës nëpërmjet ambasadës në Shqipëri për të sjellë mjekë me eksperiencë“, u shpreh Rakacolli.
