Tashmë është e formës së prerë. Shqipëria do t’i paguaj 140 milionë euro biznesmenit italian, Francisko Beketi. Denimi është marrë nga arbitrazhi ndërkombëtar, pasi më herët një vendim të ngjashëm e kishte marrë edhe Gjykata Ndërkombëtare e Arbitrazhit, ICSID me seli në Uashington në prillin e vitit të shkuar.
Kjo gjobë e majme që do të paguhet nga shteti shqiptar për italianin Beketi e ka zanafillën me vendimin arbitrat të qeverisë shqiptare për të mbyllur televizionin, Agon Channel. Pas këtij vendimi qeveria shqiptare duhet të nisë sa më shpejt procedurat për të shlyer këtë pagesë ndaj Beketit, pasi nuk ka më asnjë organ ankimor.
Por në xhepat e taksapaguesve shqiptare pritet të rëndojnë edhe tarifat shtesë të këtij procesi gjyqësor, që përpos 140 milionë eurove, pritet të ketë edhe disa miliona të tjera shtesë.
