Meta e ftoi në mbledhjen e Këshillit Kombëtar, por ja si i përgjigjet Lulzim Basha

Presidenti Ilir Meta ka ftuar kryetarin e Partisë Demokratike Lulzim Basha për të marrë pjesë në mbledhjen e Këshillit të Sigurisë Kombëtare që do të zhvillohet ditën e nesërme.

Ndërkohë mësohet se lideri demokrat i është përgjigjur pozitivisht kësaj ftese.

Sipas Bashës tani është koha që gjithkush të japë kontributin e tij në shërbim të jetës, shëndetit dhe sigurisë së qytetarëve në këto ditë të vështira.

Kujtojmë se Kreu i Shtetit Ilir Meta e ka kërkuar mbledhjen e Këshillit të Sigurisë Kombëtare lidhur me situatën e krijuar në vend nga koronavirusi, pandemia që po kërcënon botën.

Nga ana tjetër Meta ka ftuar dhe të gjithë drejtuesit e institucioneve kryesore në vend, ndërkohë që numri i të prekurve ka shkuar në 123 dhe janë shënuar 5 viktima nga COVID19.