Drejtori i Urgjencës me koronavirus, ministrja Manastirliu tregon gjendjen e tij shëndetësore

Një lajm i keq sot erdhi nga shëndetësia, ku u konfirmua se drejtori i Urgjencës Kombëtare Skënder Brataj doli pozitiv me koronavirus.

Mësohet se ai ka bërë testin një ditë më parë në spitalin Infekti, ku ka rezultuar i prekur nga COVID19.

Ndërkohë ministrja e Shëndetësisë Ogerta Manastirliu ka reaguar duke dhënë detaje për gjendjen e tij shëndetësore.

Sipas saj Brataj është vetëizoluar në banesë dhe ndodhet në një gjendje të stabilizuar.

“Ministria e Shëndetësisë dhe Mbrojtjes Sociale konfirmon se një prej 19 rasteve të konfirmuar pozitiv ditën e sotme është drejtori i urgjencës kombëtare, Skënder Brataj.
Z. Brataj është vetëizoluar në shtëpi në gjendje të stabilizuar shëndetësore.

Më poshtë ju lutem gjeni statusin e Ministres së Shëndetësisë, Ogerta Manastirliu:

Dr. Skënder Brataj është konfirmuar pozitiv pas kryerjes së analizës per Covid19. Deri tani gjendja e tij paraqitet e stabilizuar dhe Dr. Brataj ndodhet në vetëizolim, në shtëpinë e tij.
Uroj me shpirt ta kalojë sa më lehtë këtë situatë dhe t’i bashkohet sa më shpejt, i shëruar plotësisht, ekipit tonë që po lufton çdo ditë me këtë armik!
#BashkëDeriNëFund“,  bën me dije ministrja Ogerta Manastirliu.