Koronavirusi nuk ka kursyer as punonjësit e institucioneve të larta.
Mësohet se një oficer i policisë gjyqësore në Shkodër ka rezultuar pozitiv pas testit të kryer të COVID19.
Menjëherë pas këtij rezultati, prokuroria e Shkodrës ka dhënë urdhër që të gjithë punonjësit të vetëkarantinohen.
Sipas informacioneve vetë oficeri është vetëkarantinuar dhe po merr ndihmën e nevojshme mjekësore.
Gjatë kësaj periudhe që prokuroria e Shkodrës do jetë në karantinë, mësohet se do të punojnë vetëm ata persona që duhet të kryejnë veprime urgjente.
Deri më tani numri i të prekurve nga koronavirusi në vendin tonë ka shkuar në 123 dhe janë shënuar 5 viktima.
