Parashikimi i motit vjen me surpriza për ditën e sotme.
Pas rënies së papritur të temperaturave, mësohet se do të ketë reshje shiu dhe dëbore në disa zona.
Sipas IGjEUM, sot (e martë, dt. 24) priten reshje të dobëta në të gjitha qarqet, ndërsa në qarkun Elbasan ato priten lokalisht mesatare.
Në Veri dhe në Lindje, në lartësitë mbi 600 m, reshjet do të jenë në formë dëbore.
Temperaturat minimale dhe maksimale të ajrit pritet të arrijnë:
në bregdet: 0 / 9 °C
në vendet e ulëta: 2 /9 °C
në vendet malore: -5 / 7 °C
Era pritet të fryjë mesatare deri e fortë, sidomos në bregdet dhe në terrenet e larta malore. Gjatë gjysmës së dytë të ditës ajo do të pësojë një dobësim gradual.
