LIGJET E BIZNESIT
Një ngjarje skandaloze ka ndodhur mbrëmjen e kësaj të hëne në zonën e Unazës së Re. Teksa gazetari i Ora News, Elio Laze dhe operatori ishin në kyre të detyrës janë kërcënuar nga kompania Salillari.
Shkak është bërë denoncimi nga ana e Ora News e faktit që kjo kompani ka thyer rregullin e ndalim qarkullimit.
Kërcënimi i gazetarit në këtë situatë është një skandal, pasi grupi i xhirimit të Ora News ishin duke monitoruar ndalimin e qarkullimit në Tiranë, në kuadër të masave të marra nga qeveria për parandalimin e përhapjes së koronavirusit.
Ora News i bën thirrje autoriteteve që të reagojnë, pasi është e papranueshme kërcënimi i gazetarit dhe operatorit.
Është e papranueshme po ashtu që të lejohet thyerja e ndalim qarkullimit nga oligarkët.
Në kohën kur Shqipëria është e gjitha ne ndalim qarkullimi, vetëm kompania Salillari lejohet të punojë në Unazën e re.
