Sot festa e Sulltan Novruzit, Meta ka një urim: Zoti qoftë me ne gjithmonë, të lutemi për shëndet

Presidenti Ilir Meta ka bërë sot një urim për të gjithë besimtarët bektashinj.

Dita e sotme për ta shënon dhe festën e Sulltan Novruzit.

Edhe pse Shqipëria dhe gjithë bota tashmë po kalon një periudhë të vështirë për shkak të koronavirusit, Kreu i Shtetit thekson se kjo ditë do të shërbejë për lutje drejt Zotit me qëllim shëndetin e secilit anëtar të familjes.

POSTIMI I PRESIDENTIT ILIR META

Gëzuar Festën e Sulltan Novruzit dhe Pranverë në zemrën e çdo shqiptari dhe besimtari bektashian!Festimet Tuaja në këto momente të vështira, por në një ditë që përkon me lindjen e Imam Aliut dhe që simbolizon lindjen e shpresës e rigjallërimit të natyrës, le të kthehen në lutje drejt Zotit për shëndetin e çdo anëtari të familjes Tuaj dhe të gjithë shqiptarëve!
Së bashku do t’ia dalim!
Zoti qoftë me ne gjithmonë!
Zoti e bekoftë Shqipërinë dhe kombin shqiptar!

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern