Balla mbështet Ramën, i përmend sërish opozitës përballjen me drejtësinë

Kryeministri Edi Rama po përpiqet të të frikësojë opozitën, përmes një postimi në rrjetet sociale ai i ka përmendur opozitës se janë në proces gjyqësor 17 çështje kundër atyre që sipas tij kanë shpifur, duke iu referuar kështu opozitës.

Nuk ka vonuar edhe kryetari i Grupit Parlamentar të Partisë Socialiste, Taulant Balla ka mbështetur Ramën në deklaratën e tij në Berat, duke thënë se opozita do të përballet me drejtësinë.

Ai ka qenë i shoqëruar nga ministri i Mjedisit dhe Turizmit Blendi Klosi dhe deputeti Niko Peleshi, në kuadër të  disa takimeve me Asambletë e zgjeruara në qytetet Berat, Kuçovë, Poliçan dhe Urën Vajgurore.

Në fjalën e tij, Balla u shpreh se në betejën elektorale të 30 Qershorit PS do jetë fituese në Berat dhe pushteti lokal do të fitohet nga socialistët. Balla i bërri thirrje ng Berati, Lulit, Monikës dhe Saliut që të mos bllokojnë rrugën europiane të Shqipërisë.

“Mos guxoni të bllokoni rrugën europiane të Shqipërisë. Përballja me drejtësinë nuk ju shpëton pavarësisht se çfarë skenarësh mund të keni.
Kush guxon të godasë institucionet, të dëmtojë demokracinë në Shqipëri, të dëmtojë të ardhmen tonë europiane do të marrë ndëshkimin që meriton”, deklaroi Balla.