Pas akuzave të bëra nga djali i ish kryeministrit Sali Berisha, Shkëlzen Berisha, se ka udhëtuar me trafikantë droge, ka reaguar Taulant Balla.
Kreu i grupit parlamentar të PS ka replikuar në distancë Shkëlzen Berishën, ndërsa dha shpjegime pse mungonte në seancë, Balla paralajmëron Berishën se nuk do shpëtojë pa u ndëshkuar në dosjen CEZ.
Ndërsa ka vërshuar me ironi ndaj tij: “Paske bilbilosur para Gjykatës sot në mungesën time dhe qenke trimëruar mesa shoh para gazetarëve”, shkruan Balla në një postin në “Facebook”.
Postimi i plotë i Ballës:
Shkëlzen Sali Berisha! Paske bilbilosur para Gjykatës sot në mungesën time dhe qenke trimëruar mesa shoh para gazetarëve, por mos të të rrejë mendja se do shpëtosh dot pa u ndërshkuar në dosjen CEZ!
E pata të pamundur të jem sot aty përballë teje për arsye angazhimi si deputet në qarkun e Elbasanit, por herën tjetër do marr masat që të mos mungoj. Tani që të iku edhe babi nga Parlamenti njëherë e mirë, do të të përkushtohem me të gjithë seriozitetin që meriton një thëngjill i zbuluar si ti. Bëhu gati Zen se halle të mëdha të presin.
