LIGJET E BIZNESIT
Një elektricist 36 vjeçar ka humbur jetën sot në një shtyllë, si pasojë e kontaktit me energjinë elektrike. Ngjarja e rëndë a ndodhur në Fierzë, rreth 1 kilometër larg hidrocentralit të Fierzës, kur elektricisti ishte duke punuar. Mësohet se viktima është Prend Ceca. Ai ishte nisur i vetëm për të riparuar defektet e shkaktuar nga erërat e forta, ndërsa prej orës 14.00 kishte ndërprerë kontaktet me familjarët.
Nga informacionet e para u mësua se trupi i elektricistit mbeti shumë kohë në shtyllë dhe askush nuk shkoi për ta zbritur viktimën,
Menjëherë pas ngjarjes reagoi edhe Operatori i Sistemit të Shpërndarjes së Energjisë Elektrike. OSHEE bën të ditur nëpërmjet një njoftimi për shtyp, se elektricisti Prend Ceca, 34 vjeç është gjetur pa shenja jete në shtyllën e fiderit në Iballë, i cili ndodhet mes Tropojës dhe Pukës. Ky institucion shprehet se janë nisur drejt vendngjarjes ekipet e OSHEE dhe për këtë është njoftuar më herët edhe Policia e Shtetit.
“Sot rreth orës 16:00, strukturat e agjencisë OSHEE Pukë janë njoftuar nga banorë të fshatit Fierzë se është gjendur i vdekur elektricisti Prend Ceca, 34 vjeç nga Puka.
Elektricisti është gjendur pa shenja jete në shtyllën e fiderit Iballë, pjesë e Nst Gropaj, i cili ndodhet midis Tropojës dhe Pukës. Në vendngjarje janë nisur ekipet e OSHEE, ndërsa më herët është njoftuar edhe policia e shtetit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Trupi i viktimës ndodhet për ekzaminime të mëtejshme në morgun e spitalit të Bajram Currit për të mësuar shkaqet e vdekjes. OSHEE gjen rastin t’i shprehe ngushëllimet me te sinqerta familjes se te ndjerit, kolegeve dhe te afërmve te tij”, theksohet në njoftimin e OSHEE-së.
