Doni të ndryshoni pronësinë e mjetit? Ndryshon sporteli dhe pagesa

Duke filluar nga 1 marsi, të gjithë drejtuesit e mjeteve që duan të bëjnë ndërrimin e pronësisë së mjetit të tyre, do ta kryejnë procedurën në sportelet e Drejtorisë së Përgjithshme të Shërbimit të Transportit Rrugor.

Ky institucion njofton se shërbimi do të ofrohet në çdo drejtori rajonale, ndërsa mësohet se tarifa e shërbimit do të jetë 1400 lekë.

“Tjetër lajm i mirë për qytetarët! Nga 1 Marsi ndërrimi i pronësisë së mjetit direkt edhe në sportelet tona Tarifa e shërbimit vetëm 1400 Lek! Siguri për shitësin e blerësin, verifikim i plotë në sistem. Shërbimi më i ri e i shumëpritur nga qytetarët nis nga Tirana e do ofrohet në gjithë drejtoritë rajonale me cilësi e vëmendje brenda muajit mars”, thuhet në njoftimin e Drejtorisë së Përgjithshme e Shërbimit të Transportit Rrugor.