Të shtëna me armë zjarri mes policisë greke dhe tre shqiptarëve, dy të plagosur

Përplasje me armë zjarri raportohet se ka ndodhur këtë pasdite në Greqi mes policisë greke dhe tre shqiptarëve. Pas një operacioni nga policia greke mësohet se tre shtetasit shqiptar i përkasin bandës që kishte kryer një grabitje në një bankë në Kalamata gushtin e vitit të kaluar por edhe në Parga.

Sipas informacioneve të deritanishme mësohet se policia greke prej kohësh ka pasur nën vëzhgim një automjet të dyshimtë dhe se mendohej se kishte lidhje me disa vjedhje në zonë.

Ndërkohë, sapo kishte pikasur atë, policia i është vënë në ndjekje por nga makina është hapur zjarr. Gjatë shkëmbimit të zjarrit, janë plagosur 2 prej grabitësve, shtetas shqiptarë, ndërkohë që është arrestuar i treti. Dy shqiptarët kanë marrë plagë në këmbë.

Sipas raportimit të medias helene “KorinthosTv“, mësohet se brenda makinës së autorëve efektivët e policisë gjatë kontrollit gjetën një kallashnikov dhe se aktualisht po zhvillohet një tjetër operacion për gjetjen e një personi tjetër.

Njoftimi zyrtar i policisë greke

Sot (08-02-2020), gjatë një operacioni policor të Drejtorisë së Atikës së Krimeve Kundër Jetës dhe Pronës në Korintin e Lashtë, u arrestuan dhe u përfshinë në grabitje të armatosur tre kriminelë. Tre kriminelët qëlluan ndaj oficerëve të policisë duke hapur zjarr, duke plagosur dy prej autorëve. Njëri i plagosur u trajtua në Spitalin Thriassian dhe tjetri në Spitalin Corinth.