Kompania Rajonale e Ujësjellësit “Prishtina”, ka paralajmëruar qytetarët të mos hedhin letra të lagura në kanalizimet e shtëpive.
Përmes një postimi në Facebook kanë njoftuar se kanalizimet nuk duhet të përdoren si shportë mbeturinash.
Më tej thuhet se edhe për punëtorët e kësaj kompanie po shkakton shqetësime të mëdha shëndetësore pas zhbllokimit të kanalizimeve.
“Të hedhësh paloma të lagura në rrjetin e kanalizimit është rreptësisht e ndaluar! Të hedhësh gjësende të ngurta në po të njëjtin rrjet, në vend se të përdorësh shportën e mbeturinave, po ashtu e ndaluar rreptësishtë! Dikush nga ne e përdorë rrjetin e kanalizimit për secilën mbeturinë që del nga shtëpitë tona dhe për të vepruar në këtë mënyrë rreptësisht të ndaluar, është shumë e lehtë, por a është veprim i drejtë? Jo, aspak Rrjeti i kanalizimit nuk është shportë as deponi mbeturinash, nuk është i dedikuar as ndërtuar për hudhje të mbeturinave.!”, thuhet në njoftimin e tyre.
Ata kërkojnë nga qytetarët që të kenë kujdes ndaj rrjetit të kanalizimit pasi sipas tyre zhbllokimi i pusetave është shumë i vështirë.
“Ju lutemi për kujdes të shtuar ndaj rrjetit të kanalizimit! Zhbllokimi i pusetave nga ekipet e mirëmbajtjes së rrjetit të kanalizimit është tepër i vështirë madje, shumë i rëndë për ta dhe shpeshherë ndjejnë plogështi, marramendje dhe u duhet kohë të kthjellen. Të gjithë ne mund t’ i mbajmë rrjetat e kanalizimit pastërt që, të kemi jetë të shëndoshë”, thuhet në njoftimin e tyre drejtuar qytetarëve./FastNewsAlbania
