Emisioni “Zonë e Lirë” mbrëmjen e sotme ka nisur disi çuditshëm. Moderatori Arjan Çani kishte një shqetësim.
Ndërkohë, i ftuari i parë në emision është mjeku popullor Ruzhdi Metali, i cili njihet ndryshe si “doktori” që shëron kancerin jo me medikamente mjekësore por me kura që krijon vetë.
Mjeku popullor është përballur me shqetësimin e Çanit, të cilit i ishin infektuar gishtat e njërës këmbë por që doktorët nuk po i gjenin dot kurën.
Por, si të gjithë rastet dhe ky i Çanit ishte një “gjë” normale për Ruzhdi Metalin, i cili i tha moderatorit të “Zonë e Lirë” se mund t’ja shëronte këmbën vetëm për 7 ditë. Për Ruzhdiun, këmba e Çanit kishte inflamacion dhe ai mund t’ja gjente mjekimin lehtësisht.
