“Vrasje e policit e mbetur në tentativë” lihet në burg i riu që bëri ‘namin’ në Elbasan

Ditën e sotme gjykata e Elbasanit ka caktuar masën e sigurisë “arrest me burg” për 27-vjeçarin Aldiron Shehu.

I riu nga Gjirokastra, terrorizoi Elbasanin tre ditë më parë, pasi nuk iu bind urdhërit të policisë për të ndaluar, duke shkaktuar kështu një aksident në hyrje të qytetit, ku u përplasën tre makina dhe mbetën të plagosur 5 persona.

Madje u raportua se gjatë këtij aksioni pati edhe shkëmbim zjarri.

Mes të lënduarve ishte dhe punonjësi i policisë Eurgen Abduzarraku.

Gjatë seancës avokati i të pandehurit Shehu, Osman Jazo deklaroi se klienti i tij nuk e njihte terrenin dhe se ndiqej nga një “fuoristradë” duke e konsideruar kështu ndërhyrjen e policisë si joprofesionale.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Gjykata e Elbasanit shqyrtoi kërkesën e prokurorisë e përfaqësuar nga Tomorr Kullolli për caktimin e masës së sigurisë të “arrestit me burg” për Aldiron Shehun, ndaj të cilit është ngritur akuza e “Vrasjes së punonjësve të policisë së shtetit mbetur në tentativë”, “Shkeljes së rregullave të qarkullimit rrugor me pasojë plagosjen e 5 personave” dhe “Mosbindje ndaj urdhrit të Policisë”.