Njihuni me estetisten shqiptare që bëri të shkëlqente JLO-n në “Super Bowl” (Foto)

Jennifer Lopez shkëlqeu në performancën e saj në “Super Bowl” dhe merita e kësaj është e një shqiptareje. Media britanike “Daily Mail” shkruan se i gjithë shkëlqimi i JLO dhe lëkura e saj aq rinore u mundësua nga trajtimi i estetistes shqiptare Toska Daçiqi-Husted.

Mësohet se këngëtarja 50-vjeçare bëri një seancë me eksperten e lëkurës Toska Husted, pronare e një qendre estetike në Karolinën e Veriun, “Toska European Spa”, në Charlotte. Shqiptarja foli për “DailyMail”, ku tregoi se këngëtarja 50-vjeçare dukej absolutisht mahnitëse “gjatë vizitës së saj”.

Lëkura e saj shkëlqente ndërsa u shfaq në skenë me Shakirën, 43 vjeç, në Miami, Florida, duke zgjuar kështu interes tek të gjithë fansat e saj.

“Përshtypja ime e parë ishte se ajo dukej të paktën 10 ose 15 vite më e re se mosha e saj reale,” tha shqiptarja për DailyMail. “Çdo gjë e saj, fytyra, flokët dhe sjellja, janë të një personi që nuk plaket. Ajo është absolutisht mahnitëse”-përfundon Toska.

Husted u takua me JLO në Miami, ku nisi trajtimin një javë para se të zhvillohej performanca. Mësohet se Toska Daçiq-Husted është lindur në Prishtinë. Në vitin 1992 ajo emigroi në Londër, ku studioi për trajtime estetike të lëkurës dhe bukurisë. Pas 15 vitesh në Londër, ajo u shpërngul në Amerikë. Në vitin 2010 ajo ngriti qendrën e saj estetike në Amerikë. Qendra estetike “Toska European Spa” është mjaft e njohur dhe e kërkuar pasi kujdeset për fytyrat e yjeve të njohur botërore, duke përfshirë edhe Kim Kardashain.