Një tjetër ndryshim është bërë në Kadastrën e Shkodrës. Duke iu referuar informacioneve të deritanishme mësohet se Artan Lame, ka firmosur largimin nga puna të drejtoreshës së Kadastrës në Shkodër, Elsa Tanushi.
Po ashtu është firmosur dhe emri i ri që do drejtojë këtë institucion dhe ai është Ilir Dibra, i cili ka qenë më herët dhe drejtori i Hipotekës.
Agjencia Shtetërore e Kadastrës prej kohësh ka nisur ndryshime në drejtoritë e saj rajonale, ku janë hasur dhe probleme. Ditët e fundit ka pasur një rifreskim të drejtuesve në Vlorë e Durrës.
Vlora ka qenë një nga qytetet ku kishte probleme të shumta, pasi pak muaj më parë brenda pak ditëve u ndërruan disa drejtorë.
