“Nga zhurmat u zgjuan motra dhe vëllai, pamë nënën mbuluar nga gjaku” dëshmia rrënqethëse e vajzës 10-vjeçare të çiftit në Durrës

Është zbardhur sot dëshmia tronditëse e vajzës 10 vjeçare të Lulzim Cukut dhe Manjola Cukut, gruaja që u masakrua nga bashkëshorti i saj të shtunën mbrëma në banesë.

Ngjarja e rëndë ndodhi në Xhafzotaj të Durrësit, ku 3 fëmijët e mitur të çiftit ishin në gjumë por u zgjuan nga të bërtiturat e të ëmës, ë cilët më pas, sic rrëfen e mitura, e kanë gjetur të mbuluar nga gjaku.

Vajza tregon se mes prindërve kishte shpesh grindje dhe dhunë, prandaj për këtë kishte bërë kalëzim në polici për babain së bashku me  të ëmën, e cila më pas ishte pajisur me urdhër mbrojtje.

“Babai e dhunonte vazhdimisht nenen. Bashke me nenen u detyruam te shkonim ne polici, beme denoncim per babain. Gjykata dha urdher mbrojtje per nenen. Ata dite te ngjarjes, babai e dhunoi serish dhe ofendoi mamin. Me pas neve fjetem gjume, pas rreth nje ore degjova te bertitura dhe u zgjova. Pashe qe nena ishte ne banje e vrare me thike, banja ishte e mbyllur. Une lajmerova gjyshin, i thash te merrte ne telefon policine dhe ambulancen. Nga zhurmat u zgjua motra dhe vellai dhe hapem deren dhe pame nenen te mbuluar mga gjaku. Babai kishte ikur. Me pas erdhi policia.”, thuhet në dëshminë rrënqethëse të vogëlushes.