Aksident i rëndë në Vlorë, dy të plagosur

Një automjet tip “Chevrolet” me targa AA 994 MJ dhe një motoçikletë u përfshinë në një aksident mbrëmjen e sotme në Vlorë.

Ngjarja ka ndodhur në rrugën “Kosova”, në lagjen “Pavarësia” të qytetit. Nga aksidenti kanë mbetur të plagosur dy personat që udhëtonin me motoçikletë.

Ata janë dërguar me urgjencë në spitalin e Vlorës për mjekim. Burime nga bluzat e bardha bëjnë me dije se të plagosurit kanë plagë në gjymtyrë dhe pjesë të tjera të trupit por janë jashtë rrezikut për jetën.

Nga hertimet paraprake të policisë dyshohet se shkak i aksidentit ka qenë automjeti i cili i ka prerë rrugën motoçikletës.