Vettingu në polici/ Del lista, këta janë zyrtarët e lartë që do të kalojnë në ‘sitë’ (EMRAT)

Ka dalë edhe lista me emrat e zyrtarëve të lartë në Policinë e Shtetit që do t’i nënshtrohen procesit të Vettingut në rradhën e uniformave blu.

Ndër ta mësohet se është Artan Shkëmbi, me funksion Drejtor i Drejtorisë Hetimore Qëndrore, në Departamentin për Policinë Kriminale pranë Drejtorisë së Përgjithshme të Policisë së Shtetit i cili  do të dalë para trupës së vlerësimit të përbërë nga Alban Laska, Artur Baku, Mirela Ujkani (Miti), më datë 7 Shkurt 2020, ora 10:00.

Më pas komandanti i Gardës së Republikës së Shqipërisë Gramos Sako del përpara trupës së vlerësimit të përbërë nga Mirela Ujkani (Miti), Alban Laska, Artur Baku më datë datë 5 Shkurt 2020, ora 10:00

Në listë bie në sy edhe emri i drejtorit të Përgjithshëm të Policisë së Shtetit Ardi Veliu, i cili do të dalë përpara komisonit më datë 6 Shkurt 2020, ora 12:00. Trupa vlerësuese që do të verifikojë figurën e Veliut është e përbërë nga Mirela Ujkani (Miti), Alban Laska, Artur Baku.

Kurse figura e Gledis Nanos, Drejtor i Drejtorisë së Antiterrorit, Drejtoria e Përgjithshme e Policisë së Shtetit do të vlerësohet më datë 5 shkurt 2020, ora 12:30 dhe trupa e vlerësimit është e përbërë nga Nertila Sadedini, Adriana Meko, Arta Lleshi.