Profesori dhe analisti i njohur Mark Marku ka komentuar nismën më të fundit nga qeveria, operacionin “Forca e ligjit”.
I ftuar në studion e Abc News, Marku ka deklaruar se buxheti i ‘nëndheshëm’ i botës së krimit të organizuar në Shqipëri sipas burimeve jozyrtare, është 15 miliardë euro.
Ndër të tjera profesori i komunikimit shtoi se edhe sikur të dojë policia jonë nuk e lufton dot krimin, pasi ai është i lidhur ngushtë me politikën.
‘Policia këtu tek ne s’ka fuqi të luftojë krimin, sepse krimi mbështetet nga politika. Ka vite që ndodh kjo gjë. Policia
më duket shtresa më e paragjykuar në Shqipëri. Sa është buxheti i Ministrisë së Brendshme? Është rreth 200 milionë euro. Buxheti i krimit të organizuar, nuk ka shifra zyrtare po kështu ‘underground’ shkon deri ne 15 miliardë euro. Si mund ta luftojmë krimin me buxhet më të vogël? Pse e fiton gjithmonë Amerika ‘luftën’? Sepse ka buxhet më të madh, po kështu Franca apo Italia. Unë e shoh policinë pjesën më të goditur nga regjimi i krimit’ deklaroi Mark Marku.
