Panik në Elbasan/ Të shtëna me armë dhe ndjekje me makinë, plagosen 3 persona, mes tyre një polic

Në situatë kaotike është ajo që raportohet nga Elbasani.

Sipas informacioneve policia ka ndjekur me makinë një të dyshuar, ngjarje kjo e cila ka përfunduar me aksident në afërsi të Krastës.

Pas ndjekjes, policia ka ngritur një postbllok për ndalimin e tij.

Përplasja ka ndodhur në aksin Elbasan-Librazhd, për arsye se shoferi nuk është ndalur.

I dyshuari ka qëlluar dhe me armë zjarri dhe nga aksidenti janë plagosur tre persona ku mes tyre njëri është efektiv policie.

Mësohet se autori është arrestuar nga policia, ndërkohë që në përplasje është përfshirë dhe një autoshkollë, si dhe një tjetër mjet që ndodhej pranë postbllokut të policisë.