EMRAT/ Krim brenda familjes në Durrës, burri xheloz vret gruan me thikë

Krimi brenda një familje ka tronditur qytetin e Durrësit. Një 45-vjeçar, Lulzim Cuku ka qëlluar me thikë bashkëshorten e tij, Manjola Cuku 33 vjeçe duke e lënë të vdekur në vend. Mësohet se Cuku ku dyshohet se për arsye xhelozie vrau me thikë bashkëshorten e tij mbrëmjen e djeshme në banesën e tyre në Xhafzotaj.

Sipas policisë, ngjarja e rëndë ka ndodhur rreth orës 23:55, në Xhafzotaj të Durrësit, ku 45-vjeçari për motive të dobëta ka qëlluar me thikë gruan e tij Manjolën e cila për pasojë ka ndërruar jetë.

Ndërsa, sipas informacioneve të deritanishme, mësohet se çifti i bashkëshortëve kishin tre fëmijë, dy vajza dhe një djalë. Ky i fundit ishte 10 vjeç dhe është fëmija i madh i familjes.
Ndërkohë, familja në të cilën ndodhi krimi njihej ndryshe edhe me mbiemrin Lika.

Lulzim Cuku, pasi ka kryer krimin është larguar nga banesa. Ai punonte në Greqi si emigrant, ndërsa bashkëshortja e ndjerë ishte shtëpiake.