“Nuk ka ç’ti bëjë as SPAK” ish-ministri tregon se kush e shkatërroi dosjen ‘184
Ish-ministri Ylli Manjani ka bërë së fundmi një deklaratë të fortë.
Ai ka zbuluar se personat që shkatërruan dosjen “184”, janë ata që ia dhanë materialet medias.
Me anë të një postimi në rrjetet sociale, Manjani thekson se as SPAK nuk ka çfarë ti bëjë më dosjes, e cila flet për shitblerjen e votave në Dibër.
“Dosjen 184 e ka shkatërruar ai/ajo që i dha medias materialet audio-përgjimit. Pa asnjë dyshim që është kështu!
Por nuk është faji i medias, dmth i BILD! Absolutisht jo! Përgjegjësia duhet kërkuar tek ai/ajo që i ofroi materialet për publikim.
Nxjerrja në publik praktikisht e shkatërroi mundësinë për hetim profesional. Ndaj sot prokuroria e gjykata, cilado qoftë, nuk ka ça të bëjë.
As SPAK nuk ka ç’ti bëjë më!”-shkruan Manjani.
Në fund ai shton se “Pyetja reale mbi këtë çështje është kush në Prokurorinë e Përgjithshme ose Ministrinë e Brendshme (ty dyja kanë akses në serverin e përgjimeve) e ka bërë këtë gjë?!”.
