Mbrëmjen e djeshme një ngjarje e rëndë u shënua në Durrës, ku roja e një pallati në ndërtim ra nga kati i dyte dhe gjeti vdekjen e menjëhershme.

Ai u identifikua si Thoma Ruçi, 62-vjeç, për të cilin fillimisht u tha se ra nga frika e tërmetit, por policia ka sqaruar se ishte ngjarje aksidentale.

Mësohet se uniformat blu kanë vënë në pranga administratorin dhe inxhinierin e firmës për shkelje të rregullave në punë.

Ata janë shtetasit A. J., 47 vjeç, administratori dhe E. R., 43 vjeç, inxhinieri i firmës, të cilët rrezikohen të dënohen deri në 10 vjet burg.

NJOFTIMI ZYRTAR I POLICISE

Vihet në pranga për shkelje të rregullave në punë, administratori dhe inxhinieri i firmës ndërtuese të një pallati, ku në orët e mbrëmjes së djeshme humbi jetën një 62-vjeçar, rojë i këtij objekti.

Policia e Durrësit, menjëherë pas njoftimit të marrë se një shtetas kishte rënë aksidentalisht nga kati i dytë dhe për pasojë humbi jetën, menjëherë ka kryer gjithë veprimet hetimore, në bashkëpunim me prokurorinë dhe në përfundim të veprimeve, specialistët për Hetimin e Krimit bënë arrestimin në flagrancë të shtetasve:

1. J., 47 vjeç, banues në Durrës, administratori i firmës dhe E. R., 43 vjeç, banues në Durrës, inxhinier i firmës që ndërton objektin.

Këta shtetas akuzohen për shkelje të rregullave në punë, pasi më datë 28.01.2020, rreth orës 23:18, në një objekt në ndërtim, humbi jetën aksidentalisht shtetasi Th. R., 62 vjeç, i punësuar si rojë pranë këtij objekti.

Këta shtetas rrezikojnë të dënohen deri në 10 vjet burg.

Materialet i kaluan Prokurorisë së Rrethit Gjyqësor Durrës, për veprën penale “Shkelja e rregullave të mbrojtjes në punë”.