Pasi e kritikojnë, Arbana Osmanit i soset durimi: A ç’më keni çarë kokën, ndiqni Eduartin…[FOTO]

Moderatoria e njohur Arbana Osmani, së fundmi është komentuar shumë në mediat rozë për romancën me regjisorin Eduart Grishaj.

Së fundmi dyshja simpatike kanë vizituar muzeun “Krakowa” ku nga ky udhëtim kanë ndarë me ndjekësit e tyre detaje mjaft të dhimbshme nga keqtrajtimi i hebrenjve në kampet naziste.  Moderatoria ka shpjeguar në çdo postim të saj fotot, duke i shkruar në gjuhën angleze, Eduart Grishaj i ka shpjeguar postimet e tij në një shqipe të pastër.

Si duket, kjo ka bërë që ndjekësit të mos e lënë pa kritikuar Arbanën për këtë fakt.

“Shkruaj shqip Arbana, siç shkruan Eduardi”,- i shkruan një ndjekës Arbana Osmanit.

Arbanës nuk i ka ardhur aspak mirë, dhe aq është dashur që t’i soset durimi nga këto mesazhe duke shkruar: “Ah ç’më keni çarë kokën me gjithë Eduart Grishajn. Aman ndiqni Eduart Grishajn për guidat turistike në gjuhën e bukur amtare”.

Sigurisht që këto komente ishin të shoqëruara me nota humori nga ana e moderatores, dhe ajo nuk ka nguruar të ndajë postime përkrah partnerit të saj.