“E kemi mikun e fortë atje”, ja çfarë i kërkon Rama kancelares Merkel

Kryeministri i Shqipërisë Edi Rama, në takim me kancelaren Angela Merkel, ka kërkuar që Gjermania të njohë patentat shqiptare.

Ndërsa, shtoi se ka marrë mbështetjen e kancelares Merkel dhe se në muajin shkurt një ekip nga Gjermania pritet të vijë në vendim tonë për të kryer një raport lidhur me njohjen e patentave shqiptare.

“Dhe së fundmi fare, duke qenë se shumë miq dhe në Facebook më kërkuan që të ngre me kancelaren çështjen e patentave shqiptare në Gjermani, dua t’ju jap lajmin e mirë se në shkurt vjen një ekip nga ministria e Transporteve gjermane, për të bërë një raport lidhur me këtë. Unë kam besim se duke patur mikun më të fortë në Gjermani, këtij halli të shqiptarëve po i vjen fundi”, u shpreh Rama.