Grupi parlamentar demokrat ka votuar unanimisht në favor të propozimit të kreut të PD-së, Lulzim Basha për dorëzimin e mandateve të deputetëve. Lajmi u bë i ditur nga kreu i PD-së, Lulzim Basha, rreth orës 13:00.
Prej orës 15:20 kryetari i PD-së Lulzim Basha po mban një takim me aleatët për të diskutuar vendimin për dorëzimin e mandateve të deputetëve. Në takim me Bashen ndodhet Nard Ndoka, Fatmir Mediu, Dashamir Shehi, Vangjel Dulen dhe Agron Dukën.
Takimi ka qëllim diskutimin e hapave të mëtejshëm. Do të jetë Këshilli Kombëtar i PD-së i cili do të marrë vendimin përfundimtar lidhur me djegien e mandateve, i cili do të mblidhet rreth orës 17:00.
Vendimi i demokratëve për të djegur mandatet ka shkaktuar zhurmë të madhe, duke qenë se e ka gjetur të papërgatitur qeverinë.
