Basha flet nga turma: Qytetarët kanë marrë në dorë fatin e tyre

Kryetari i opozitës, Lulzim Basha ka reaguar nga mesi i turmës për protestën dhe mënyrën sesi do të vijojë ajo. “Ky është reagimi i popullit dhe rruga e zgjidhjes është krijimi i një qeverie tranzitore që të gëzojë besimin e palëve për të bërë të gjitha reformat e nevojshme, përfshirë ato që garantojnë fundin e shit-blerjes së votës dhe t’i hapim kështu rrugë futjes së vendit në Europë.

Në Europë nuk shkohet me një narko-Kryeministër. Kudo në botë kur ndodh kjo qeveria largohet dhe hajdutët shkojnë në burg. Kështu nuk vazhdohet më dhe nuk do të vazhdojë më. Qytetarët kanë marrë në dorë sot fatin e tyre, unë jam krah tyre”, deklaroi Basha.

Tahsmë, protesta e opozitës vijon prej disa orësh para Kryeministrisë. Pas disa përpjekjeve për futjen brenda godinës dhe përgjigjes së policisë me gaz lotsjellës, protestuesit janë rigrupuar. Mes tyre ndodhen edhe Kryetari i Partisë Demokratike Lulzim Basha, por edhe deputetë të tjerë të opozitës si Fatmir Mediu, Sali Berisha, etj.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern