LIGJET E BIZNESIT
Një shqiptar nga Kosova është gjendur i pajetë në një burg në Belmarsh të Britanisë. Vdekja e papritur e 29-vjeçarit Kosovar Liridon Saliuka ka tronditur opinion publik mbarë vendin.
Sipas burimeve dyshohet se viktima ka qenë një person me aftësi të kufizuara, pasi dy vite më parë është përfshirë në një aksident me makinë. Pasi trupi i tij u nxor nga automjeti me të cilën udhëtonte u dërgua menjëherë në spital nga u ju nënshtrua një ndërhyrje kirurgjikale. Mjekët për ta rikuperuar plotësisht atë vendosën në brendësi të trupit të tij shufra metalike.
Liridon Saliuka, nga fshati Gradicë, komuna Drenasit, për më shumë se 20 vite jetonte me familje në Londër.
Që prej verës së kaluar 29-vjeçari ndodhej në paraburgim i akuzuar për përfshirjen në një ngjarje në lindje të Londrës. Akuzë kjo e cila ishte mohuar nga Saliuka dhe në sallën e gjykatës. Viktima u gjet i pajetë në orët e para të mbrëmjes së 2 janarit, brenda qelisë së tij e cila ishte e posaçme për persona me rrezikshmëri të lartë.
Motra e Liridonit, Dita, i ka thënë prestigjiozes, The Guardian se autopsia e tij nuk ishte kryer ende në mënyrë që familja ta shikonte trupin.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Në Belmarash vëllai im u vendos fillimisht në një qeli speciale ku krevati ishte me një dyshek ortopedik, por shumë shpejt ai u transferua në një qeli standarde. Nuk u lejua të bënte një telefonatë të vetme, deri natën e Vitit të Ri që arrita ta shoh. Ai më thoshte se njerëzit që kryejnë vetëvrasje janë të dobët dhe egoistë. Kam dëgjuar nga persona të tjerë se atë ditë ka pasur një konflikt dhe vëllai im është ngacmuar. Ai donte të pastronte emrin e tij nga akuzat por tani nuk do të ketë më këtë mundësi”, tha motra e viktimës.
