Pogradec/ makinat përplasen kokë më kokë, e pëson këmbësori

Një aksident ka ndodhur mbrëmjen e sotme në Pogradec në vendin e njohur si Gështenjas.

Informacionet paraprake bëjnë me dije se në aksident janë përfshirë dy automjete dhe ka qenë një përplasje tepër e fortë pasi dyshohet se po lëviznin me shpejtësi të lartë.

Mësohet se një këmbësor ka mbetur i plagosur si pasojë e aksidenti të ndodhur në aksin Pogradec-Qafë Pllocë. Këmbësori i moshës rreth 50 vjeç raportohet se ishte ne gjendje te dehur, sipas Ora News.

Ngjarja ndodhi pranë fshatit Zdervaske, rreth orës 21:00.

Nga informacionet paraprake mësohet se i plagosur ka mbetur edhe një prej drejtuesve.

Të plagosurit janë dërguar në spital dhe po marrin ndihmë mjekësore.

Policia heton për zbardhjen e rrethanave të aksidentit.